Bokbåttenesta er eit samarbeidstiltak mellom fylkesbiblioteka i Hordaland, Møre og Romsdal og Sogn og Fjordane. Båten går til grender på Vestlandet som elles ikkje har bibliotektenester.
Fredag 5. mars legg bokbåten ut frå Førde, og fram til 23. mars reiser han rundt i fylket fullasta med mange flotte bøker. Med på denne turen er Lars Kolstad med framsyninga "Trommelars og rytmen som forsvant". Les meir om programmet og finn ut når bokbåten kjem til deg ved å klikke på "Kulturprogram" og "Ruter" i menyen til venstre.
Frå 18. januar til 10.februar legg bokbåten ut på tur i Møre og Romsdal. Fullasta med bøker av alle slag, besøker vi 69 stadar i fylket. Med på turen er Roald Kaldestad med ”Heavykatten og Diskodansemusa”, Knut Alfsen med ”Vekkerklokka” og Per Jostein Aarsand med ”Fiskehistorier og andre forteljingar”.
Bokbåten har vore ute på hausttur i Hordaland og langs heile ruta vart 50.årsjubileet for bokbåttenesta i Hordaland feira! Det var ballongar og bollar, kake og blomar, flagg og stor stemning der båten la til kai.
Les meir
