Etter ein vellukka hausttur er bokbåten Epos på veg til kai i Bergen for å losse av bøker og bibliotekarar. Vi takkar for gode dagar i vest, nord og i sør. Tusen takk til alle de som har teke vegen om bord for å synge Prøysen-songar, høyre eventyr eller få med dykk ein hyggekveld med Ragnar Hovland eller Atle Hansen.

Det er ikkje lenge båten skal ligge i ro, alt i januar strenar den nordover for å gå i teneste i Møre og Romsdal. I mars/april er det på nytt tur i Hordaland.

Vi gler oss alt til nye dagar med litteratur og kultur langs den vakre vestlandskysten vår.