Tysdag 9. september starta Bokbåten Epos på sin haustturne. Båten er som det vart sagt på NRK Møre og Romsdal i morges “stappfull av ny litteratur”, og med oss på den første delen av turen har vi forteljaren Amir Mirzai som fortel både eventyr og sanne historier. Etter at dagens siste stopp søndag 21. september er over går Amir av, og gir plass til Kristin Groven Holmboe som frå dagen etter skal underhalde store og små. Ho er med resten av turen, til og med torsdag 2. oktober, før Epos takkar for seg for denne gang.