Bokbåten Epos blir 27. september lasta med bøker og boksekkar som venter på nye lesarar. Først er det stoppestadane sør for Ålesund som får besøk mellom 28. september og 06. oktober. Per Jostein Aarsand blir med som formidlar, og han begeistrar publikum med historia om verdas snillaste og gatas sterkaste hund, Rocky. Per Jostein fortel og syng med varme og humor om denne bestekameraten. Per Jostein Aarsand var i fleire år kunstnerisk leiar for Fortellerfestivalen i Oslo. No reiser han rundt med førestillingar og underviser i forteljarkunst i heile landet. I 2013 vart han nominert til Gullsekken for beste skuleførestilling.

Stoppestadene nord for Ålesund blir besøkt mellom 17. og 31. oktober. På nordturen er Astrid Elise Sæterøy med. Ho tar oss med på ein leiken halvtime med Bolletjuven og andre eventyr. Astrid er utdanna skodespelar ved Nordic Black Theater og HiO, og har turnert i Den kulturelle skolesekken med mange forskjellige framsyningar.

Vi gler oss til å sjå deg om bord!